Saddex-geesoodka.

 

W/Q: Abdirahmaan Bashiir. [Af-Carabi]

W/T: Ahmed Xisaam Miido. [Af-Soomaali].

Saddex jaad oo dadka ka mid ah, hab nololeedkooda uma riyaaqo; qof hadla aqoon la'aan, qof aqoon sheegta isaga oo aan aqoon lahayn, iyo qof ka dooda aragtiyaha waaweyn isaga oo aan lahayn xikmad.

Saddex jaad oo dadka ka mid ah, waxa aan isku hawlaa in aan ka foggaado intii ay suurtagal tahay; qof uunka iska sarreysiiya, qof dadka la dirira maadaama oo aysan la jirin, iyo qofka neceb dadka guuleysta sababtoo ah kuma jiraan aragtidiisa siyaasadeed iyo midiisa fikradeed.

Saddex jaad oo dadka ka tirsan, waxa aan ku dhex arkaa is-mahadin, iyo in ay dadka kale necebyihiin waana; qofka ku farxa guuldarada dadka kale, qofka faafiya jabka dadka kale, iyo qofka neceb guulaha dadka.

Saddex ka mid ah dadka wax wacdiya, ma mudna in la dhegeysto; kuwa faafiya dhaqanka quusta, kuwa aan tixgelin garaadka aadmigu waxa uu soo-saaro iyo baaritaanada aqooneed, iyo kuwa odhanaya waxa aysan aqoon u lahayn.

Saddex siyaasiyiinta ka mid ah, wax miisaan ah male; beenaalayaasha aan soohdinta lahayn, kuwa dadka neceb, iyo kuwa Kursi-u-qooqa ah.

Saddex jaad oo ka mid ah qalin-layda ma akhriyo [waxa ay qoraan]; midka iska qor uun wax u qora, midka macluumaadka dadka kale soo xadda, iyo midka aragtiyaha liita qora.

Saddex jaad oo asxaabta ah, kama dheehdo wax niyadsamaan ah: saaxiibka jeebkaaga jecel, saaxiibka kugu soo booqda booskaaga [position], iyo saaxiibka dheefsada waxa agtaada yaal isaga oo aan ku siinayn jacayl iyo kalgacal.